Elman Rüstəmov da girovsuz kredit götürübmüş – 700 milyon, hələ qaytarmayıb


[r32]
Beynəlxalq Bankı və ölkənin başqa əsas banklarını dağıtmış kredit oliqarxları ilə bağlı məsələ hələ öz həllini tapmayıb. Xatırladaq ki, “böyük neft pulu illəri”ndə bir çox banklar maliyyə-kredit sisteminə məsuliyyətsiz münasibət nəticəsində talanıb və boşaldılıb.

Virtualaz.org indiyədək bank sektorunun problemlərinə, əsas emissiya, maliyyə-kredit institutu və bankların fəaliyyətinin nizama salınması səlahiyyəti verilmiş qurum kimi Mərkəzi Bankın məsuliyyətini ayrıca vurğulayaraq, bir neçə analitik yazı həsr edib.

Son illərdə prezident İlham Əliyev də həm hökumətin iclaslarında, həm də ictimaiyyət nümayəndələri ilə görüşlərində çıxışları zamanı bank sektorunun ən sürətli şəkildə sağlamlaşdırılması zərurətinə, eləcə də Azərbaycan biznesinə və iqtisadiyyatına kreditlərin ayrılması məsələsinə tez-tez toxunur.

Ancaq bank ekspertləri virtualaz.org-un redaksiyasına həyəcan və təəccüb doğuracaq informasiya veriblər. Qeyd edək ki, bu mənbələrin etibarlılığına heç bir şübhə yoxdur.

Beləliklə, verilən xəbərdən məlum olur ki, Mərkəzi Bankın rəhbəri Elman Rüstəmov özü də kredit oliqarxı hesab edilə bilər. Demə, E.Rüstəmov birinci devalvasiyadan bir neçə həftə əvvəl Gürcüstanın inşaat sektoruna 700 milyon manat vəsait qoyub. Devalvasiyadan əvvəlki məzənnə ilə bu təxminən 1 milyard dollar təşkil edir.

Bank mənbələrinin məlumatına görə, E.Rüstəmov həmin məbləği özünün “Respublika-bank”ından, Beynəlxalq Bankdan və Azərbaycanın daha bir neçə bankından götürüb və hələ də qaytarmayıb.

Azərbaycan iqtisadiyyatının kreditləşməsinə və yeni layihələrin həyata keçirilməsinə xüsusi ehtiyac duyulduğu, iqtisadi və maliyyə böhranının yaşandığı bir dövrdə Mərkəzi Bank başçısının təşəbbüsü çox qəribə görünür və təəccüb doğurur.

Yaxın vaxtlarda biz məsələ ilə bağlı Mərkəzi Bank rəhbərinin nöqteyi-nəzərini təqdim etməyə və bu problemə yenidən qayıtmağa çalışacağıq.

Hakimiyyət dolların bahalaşmasının qarşısını almağa qərar verdi! – Prezidentin fərmanı nə vəd edir?

Neft Fondu Mərkəzi Banka 7,5 mlrd. manatadək məbləğdə transfert həyata keçirəcək

[r32]
Azərbaycan Dövlət Neft Fondu (ARDNF) bu il Azərbaycan Mərkəzi Bankına (AMB) 7,5 mlrd. manatadək məbləğdə transfert həyata keçirəcək. “APA-Economics” xəbər verir ki, bu, ARDNF-nin 2017-ci il büdcəsində öz əksini tapıb. Sənəd prezident İlham Əliyev tərəfindən bu gün imzalanan fərmanla təsdiqlənib.

Büdcənin xərclər bölümündə qeyd edilib ki, transfert makroiqtisadi sabitliyin təmin olunmasına yönələcək və onun yuxarı həddi 7,5 mlrd. manat götürülüb.

Maraqlıdır ki, AMB-yə transfertlər fondun ümumi xərclərinin 51,7%-ə bərabərdir.

Qeyd edək ki, ölkə başçısı ARDNF-nin 2017-ci il büdcəsinin gəlirlərini 8 mlrd. 370 mln. 589,8 min manat, xərclərini isə 14 mlrd. 483 mln. 856 min manat məbləğində təsdiq edib.

Prezidentin bu fərmanının maliyyə bazarında sabitliyin yaranmasına xidmət edəcəyi gözlənilir. Dövlət Neft Fondundan Mərkəzi Banka 7,5 mlrd. manatadək məbləğdə transfert həyata keçirilməsinə qərar verilməsi hökumətin dolların kəskin yüksəlməsinə imkan vermək niyyətində olmadığını göstərir. Məsələ ondadır ki, il ərzində ayrılması nəzərdə tutulan vəsaitin həcmi, təxminən valyuta bazarının illik kəsirinə bərabərdir.
Bu qərar həm də hökumətin tam üzən məzənnə rejiminə keçməkdən imtina etməsi kimi də izah edilə bilər. Görünür rəsmi Bakı dolların məzənnəsinin tam sərbəst buraxılmasının iqtisadiyyatdakı böhranı daha da dərinləşdirəcəyi, bank sisteminin tam olaraq çöküşünə səbəb olacağını qəbul edib. Bu üzdən də ya sözügedən siyasətdən imtina edilib, ya da müəyyən müddət dondurulub. Ən azı növbəti ilədək dolların tam sərbəst buraxılmasından imtina edilib. Təbii ki, bu qərar maliyyə bazarına təsirsiz ötüşməyəcək. Yaxın aylarda dolların məzənnəsinin müəyyən qədər azalmasına gətirib çıxara bilər
İqtisadçı ekspert Samir Əliyevin fikrincə, Prezidentin bu fərmanı maliyyə bazarını 2017-ci ildə sakitləşdirəcək: “Neft Fondu Mərkəzə Banka il ərzində indiki məzənnə ilə 4,2 milyard dollar köçürəcək. Bu, təxminən ayda 352 milyon dollar edir. Hesablamalarımıza əsasən, valyuta bazarının aylıq kəsirinin 300-400 milyon dollar olduğunu yazmışdıq. Deməli, bu transfert gözlənilməz hadisələr (neftin kəskin ucuzlaşması, siyasi böhran, maliyyə panikası və s.) baş verməsə, bazarı 2017-ci ildə sakitləşdirə biləcək. Bankların dollar satışı bərpa ediləcək. “Qara bazar”ın əhəmiyyəti azalacaq.
Mərkəzi Bank yəqin ki, vəsaitləri bir neçə istiqamətdə istifadə edəcək:

ehtiyac yarandıqca hərraca əlavə vəsait çıxartmaq
– dövlət zəmanətli və bəzi bankların (məsələn, Beynəlxalq bankın) xarici öhdəliklərini qarşılamaq
– banklara dollar likvidliyi (kredit və ya depozit vasitəsilə) vermək.

Qeyd etdiyimiz kimi, valyuta çatışmazlığını Neft Fondunun aktivləri və Mərkəzi Bankın ehtiyatları hesabına müvəqqəti aradan qaldırmaq olar. Ancaq bu, problemin ömrünü uzatmaq və onun taleyini dünya bazarlarında neftin bahalaşmasına bağlamaqdan başqa bir şey deyil. Problem sistem xarakter daşıdığından məsələnin həlli köklü yanaşma tələb edir. Manatın məzənnəsinin sabitliyi yalnız dayanıqlı makroiqtisadi sabitlik və iqtisadi inkişaf fonunda mümkündür.

Hökumət təxminən 1 il vaxt qazandı. Hətta bu təşəbbüsdən sonra da manatın tam üzməsini iddia etmək olmaz. Manat Mərkəzi Bankın dəstəyi ilə üzməkdə davam edəcək. Bu addımlardan sonra manatın bahalaşması real deyil. Ola bilər epizodik bahalaşma baş versin. Amma tendensiya ucuzlaşamq istiqamətində olacaq. Sadəcə, Neft Fondunun bu dəstəyi imkan verəcək ki, manat tədricən ucuzlaşsın.

Problemin həlli əksdollarlaşma siyasətindədir. Deşikli qaba nə qədər su töksək bir müddətdən sonra qabda yenə də su azalacaq. Ona görə də o deşikləri tutmaq lazımdır. Həmin deşiklər isə bizim nümunədə kapital axını və dollarlaşmadır. Hökumət əsas diqqəti əksdollarlaşma tədbirlərinin gücləndirilməsinə yönəltməldir. Neft Fondunun pulu hesabına valyuta bazarını dollarla təmin siyasəti isə sonda uğursuzluğa düçar ola bilər və təhlükəsizlik yastığının “əriməsinə” gətirib çıxara bilər”.

Ekspert Natiq Cəfərli: Manatın dərdi daha böyükdür

elman
“Mərkəzi Bankın sədri ən nüfuzsuz məmurlardan biridir, sözünə heç etimad yoxdur, düz danışanda belə etimad göstərilmir”

Ekspertlər bildirirlər ki, uzunmüddətli perspektivdə manatın taleyi qaranlıqdır

ABŞ Federal Ehtiyat Sistemi (FES) dollarla bağlı faiz artımı qərarı verməsə də, manat ucuzlaşmaqdadır. Ekspertlər musavat.com-a manatın yaxın müddətdəki taleyinin FES-dən, yaxud Mərkəzi Bankdan asılı olduğunu musavat.com-a açıqlayıblar.

Ekspert Natiq Cəfərli bildirib ki, manatın taleyi hazırda nə FES-dən, nə də Mərkəzi Bankın rəhbərindən asılı deyil: “Manatın dərdi daha böyükdür. Manat ölkənin valyuta gəlirlərinin azalmasından, ölkənin valyuta gətirə biləcək, dünya bazarlarına heç nə təqdim edə bilməməsindən, ölkənin valyuta, idxaldan asılılıqdan asılıdır. Yaxın həftələrdə Yeni il bayramının gəlməsi ilə bağlı idxalın artacağı proqnozlarından da asılıdır. Yəni bir çox şeylərdən asılıdır, xırda məsələlərdən tutmuş iri, makroiqtisadi göstəricilərə qədər hər şeydən asılıdır. Ona görə də manatın taleyi yaxın gələcəkdə heç də yaxşı görünmür. Hələ üstəlik, dekabrda FES də faizi artırsa, qonşu ölkələrdə ciddi valyutaların ucuzlaşmasına səbəb olacaq. Bu da istər-istəməz Azərbaycan manatına təsir göstərəcək. Azərbaycan təcrid olunmuş halda yaşamır, dünyada, ətrafda gedən proseslərdən də asılıdır. Üstəlik, son günlər neftin qiyməti də ciddi enişə keçib. Bu il əslində neftin qiyməti 11 faiz dəyər itirib. Bu da təbii ki, manata basqıları artırır. Bütün bu proseslər üst-üstə gəldikdə, manatın gələcək taleyi çox qaranlıq görünür”.

Ekspertin sözlərinə görə, ilin sonuna FES qərarını dəyişməsə də, manat yenə ucuzlaşacaq: “Manat yenə dəyər itirəcək. Amma ümumən, köklü və fundamental manatın məzənnəsinə təsir etməyəcək. Düşünürəm ki, ilin sonuna qədər yumşaq şəkildə gündəlik, yaxud həftəlik məzənnənin zəifləməsi yolu ilə Mərkəzi Bank manatı ucuzlaşdırmaqda davam edəcək. Çünki həm də hökumətin bunda marağı var. Manat nə qədər ucuz olsa, Dövlət Neft Fondunun və Mərkəzi Bankın ehtiyatlarına o qədər çox qənaət etmiş olur. Burada hökumətin də marağının olduğunu qeyd etmək lazımdır”.

Ekspert Əkrəm Həsənov isə qeyd edib ki, manatla bağlı qısamüddətli proqnoz vermək çətindir: “Çünki manatın məzənnəsi inzibati yolla müəyyən olunur. Kiçik dövr çərçivəsində Mərkəzi Bank istənilən məzənnəni təyin edə bilər. Özünün zərərinə olsa belə edə bilər. Buna görə də ciddi proqnoz uzunmüddətli, ən azı 1 illik ola bilər”.

Ekspertin fikrincə, uzunmüddətli perspektivdə manatın taleyi acınacaqlıdır: “Dolların xeyli bahalaşması və yaxın ildə 2 manatdan, sonra isə yəqin ki, 3 manatdan da baha olması qaçılmazdır. Ona görə ki, ölkənin valyuta gəlirləri azala-azala gedir və gedəcək. İstənilən əmtəə azdırsa, qiyməti bahalaşır. Deməli, ölkədə dollar azaldıqca, qiyməti də artacaq. Dollarımız isə azalır, o cümlədən valyuta ehtiyatlarımız da azalır. Bu, həmçinin Neft Fondunun səriştəsiz fəaliyyəti nəticəsində baş verəcək. Valyuta gəlirlərimiz ona görə azalır ki, neftin qiyməti ən azı artmır və böyük ehtimalla yenə düşəcək. İqtisadi əsaslarla yanaşı, geosiyasi səbəblər də var. Digər tərəfdən, neft hasilatımızın da həcmi azalır.
Deməli, daha az neft satırıq, özü də aşağı qiymətlə satırıq. Neft və qaz Azərbaycanın yeganə valyuta gəliri mənbəyidir. Dünya bazarında əhəmiyyətli həcmdə başqa heç nə satmırıq. Çünki qeyri-neft sektorumuz, o cümlədən kənd təsərrüfatı inkişaf etməyib və etmir də. Sahibkarlığın inkişafı üçün ciddi və real tədbirlər görülmür, məmurlar prezidentin göstərişlərini yerinə yetirmir. Məhkəmə sistemi bərbad gündədir.
Buna görə də sərmayə qoyub iş görmək istəyən yoxdur. Xaricə nə isə satmağımız bir tərəfə, heç özümüzü də təmin edə bilmirik, ərzaqın da böyük hissəsini idxal edirik. Təbii, neft gəlirləri hesabına.
Deməli, valyuta gəlirlərimizin bir hissəsi ərzağa xərclənir. Buna görə də manatın devalvasiyasının sonu görünmür. Görünməsi üçün indidən tədbirlər görmək lazımdır. İlk növbədə də müstəqil və obyektiv məhkəmə sistemi olmalıdır ki, sahibkarlarda əminlik hissi yaransın və yavaş-yavaş iqtisadiyyatımız dirçəlsin.
Bank sistemi və milli valyuta etimada söykənən institutlardır. Bu etimad ilk növbədə Mərkəzi Bankın rəhbərinə olan etimadla ölçülür. Azərbaycanda isə Mərkəzi Bankın sədri ən nüfuzsuz məmurlardan biridir, sözünə heç etimad yoxdur, düz danışanda belə etimad göstərilmir. Buna görə də məntiqlə çoxdan istefaya göndərilməli idi. Amma göndərilmir. Ona görə ki, devalvasiya bitməyib”(musavat.com).

Dollar bahalaşmaqda davam edir – MƏZƏNNƏ

25.07.2016 / 17:16 xeber –

Mərkəzi Bank dolların manata qarşı iyulun 26-a nəzərdə tutulan məzənnəsini açıqlayıb. Lent.az-ın Banka istinadən məlumatına görə, iyulun 26-a USD/AZN rəsmi məzənnəsi 1,5755 səviyyəsində müəyyən olunub.

 

Qeyd edək ki, USD/AZN rəsmi məzənnəsi bu gün 1.5724 səviyyəsində idi.

mənbə :
lent.az

İqtisad Universitetinin bəzi müəllimləri rüşvətə görə işdən qovuldu — EKSKLÜZİV

iktisad
Azərbaycan Dövlət İqtisad Universitetinin (ADİU) 9 nəfər müəllimi rüşvət almağa görə işdən çıxarılıb.

Bu barədə “Ölkə.az”-a ADİU-dakı etibarlı mənbə məlumat verib.

Məlumata görə, bu ayın əvvəlində universitetin 9 nəfər müəlliminin tələbələrdən ümumilikdə 620 min manat rüşvət alması faktının üstü açılıb. Bunu bilən ADİU-nun rektoru Ədalət Muradov dərhal həmin müəllimləri işdən qovub.

İşdən çıxarılanlar arasında Universitetin ümumi işlər üzrə sabiq prorektoru Elçin Əliyev, Tədris-Metodiki Mərkəzinin “Texniki və texnoloji ixtisaslar” üzrə direktor müavini Nizami Musayev, Azərbaycan Dövlət İqtisad Universitetinin indiki prorektoru Şaiq Əsgərovun qardaşı və bacısı qızları da var.

İşdən çıxarılan bu şəxslərin kəsiri olan tələbələrdən 620 min manat rüşvət alması iddia olunur.

Hazırda sözügedən məsələ ilə əlaqədar rektorun tapşırığı ilə müvafiq araşdırma aparıldığı deyilir və yaxın vaxtlarda digər müəllimlərin də rüşvətə görə işdən çıxarılacağı gözlənilir.

Mahir Hüseynzadə

Ölkə.Az

Manatdakı devalvasiya Tağı Əhmədovun milyonlarını “vurdu” iddiası Yeniləndi

taqı
21 dekabr devalvasiyasından sonra ciddi maliyyə böhranı yaşayan banklara Azərbaycanın üzdə olan tanınmış adamlarının da böyük məbləğlərdə vəsait yatırdığı barədə məlumatlar yayılmaqdadır.
Bakı Metropolitenin sabiq rəisi, Yeni Azərbaycan Partiyası Yasamal rayon Təşkilatının hazırki sədri Tağı Əhmədovun da adı həmin tanınmışlar siyahısında var. Etibarlı mənbələrdən Modern.az saytına verilən məlumata görə, Bakı Metropoliteninin sabiq rəisi Tağı Əhmədovun bir neçə milyon manat vəsaiti bu günlərdə bağlanan banklardan birində batıb.
Bizə çatan dəqiq xəbərə görə, o, Azərbaycanda problemlə üzləşən bankların birinə vaxtı ilə küllü miqdarda əmanət yatırıbmış. Lakin ötən ilin 21 dekabrında manatın devalvasiyaya uğraması nəticəsində bir çox banklarda ciddi problemlər yarandığı üçün həmin kommersiya müəssisələri əmanətçilərin vəsaitləri geri qaytara bilməyib. Tağı Əhmədov da bankdan əmanətini geri istəyib, amma bu, alınmayıb. Nəticədə sabiq rəisin külli miqdarda əmanəti bankda batıb.
Modern.az saytı məsələyə Tağı Əhmədovun özündən münasibət öyrənməyə çalışıb. O, zəngimizə cavab versə də, mediadan olduğumuzu biləndən sonra telefonu söndürdü.
Xanımı Salatın Əhmədova isə suallarımızı səbrlə dinlədi, amma cavab verməkdən imtina etdi.

***
Bakı Metropolitenin sabiq rəisi, Yeni Azərbaycan Partiyası Yasamal rayon Təşkilatının sədri Tağı Əhmədov bağlanan bankalarda bir neçə milyon manat vəsaitinin batması barədə xəbərlərə reaksiya verib.

Ölkə.Az xəbər verir ki, Tağı Əhmədov azvision.az-a açıqlamasında haqqında yayılan xəbərlərin yalan olduğunu bildirib.

“Kim nə istəyir yazsın, bu, məni maraqlandırmır. Guya mənim milyonlarım batıb. Ağ yalandır” – deyə T.Əhmədov vurğulayıb.

Qeyd edək ki, mətbuatda manatın ucuzlaşmasından sonra Tağı Əhmədovun bağlanan banklarda bir neçə milyon manat vəsaitinin batması barədə xəbər yayılıb.
Azadliq.az

“90-cı illərdə baş verən böhran da bu səviyyədə deyildi”

elmanrustemovcixisMilli Məclisin növbədənkənar sessiyasında Mərkəzi Bankın İdarə Heyətinin sədri Elman Rüstəmov və iqtisadi inkişaf naziri Şahin Mustafayev də iştirak edib.

Spiker Oqtay Əsədov iclasda çıxış üçün Elman Rüstəmov da söz verib.

Mərkəzi Bankın İdarə Heyətinin sədri Elman Rüstəmov “Məni təəccübləndirmək çox çətindir. Amma bu günlərdə çox təəccübləndim. Çünki Avropa, Asiya, Amerikanın gündəlikləri üst-üstə düşür, bütün ölkələri iqtisadi çətinliklər narahat edir”, – deyə öz çıxışına başlayıb.

Daha sonra baş bankir deputatların suallarını cavablandırdı. E.Rüstəmov dedi ki, neftin qiymətinin 30 dollardan aşağı düşməsi nəticəsində faktiki olaraq, gəlirsiz işləyirik: “Bu gün 40 milyardlıq vəsaitimiz var, bu, çox böyük rəqəmdir. Bu vəsaitlə manevr etmək mümkündür. Amma bu vəziyyət nə qədər davam edəcək, bilinmir. Strateji ehtiyatlarımızla çox ehtiyatlı davranmalıyıq. 90-cı illərdə baş verən böhran da bu səviyyədə deyildi. Ona görə də biz ötən ilin fevralında manatla bağlı qərar verdik. Biz nə etməliydik, ehtiyatlarımızı da xərcləməli, oturmalı, sonra gedib, borclaramı düşməliydik? Fevraldan sonrakı 3 ay ərzində Mərkəzi Bank bazardan valyuta aldı. Ancaq sonrakı dönəmdə neft kəskin şəkildə aşağı düşdü. Deyirlər vaxt itirildi. Amma vaxt itirilmədi, biz gözləyirdik ki, vəziyyət dəyişəcək. Ancaq dekabrın 21-də manatla bağlı qərar verməyə məcbur olduq. Bu gün neftin qiyməti 148 dollar deyil. Manatın kursu bu gün əhəmiyyətli dərəcədə xarici faktorlardan asılıdır. Neftin dəyişən qiyməti və qonşularımızdakı devalvasiya bizə ciddi təsir edir”.

E.Rüstəmov özünün ünvanına səsləndirilən tənqidlərə də reaksiya verdi: “Cəmiyyət, xalq və dövlət qarşısında bu vəziyyətin məsuliyyətini də çox ciddi şəkildə dərk edirik. Bu vəziyyətdə gizlənmək mümkün deyil. Bu gün gizlənərsən, sabah o daha sərt şəkildə sənin qarşısına çıxacaq. Bu günlərdə 200-dən çox valyutadəyişmə məntəqəsi ləğv olundu. Biz bazara kifaət qədər valyuta veririk, hətta dünən bazara verdiyimiz valyutanın hamısı satılmadı. Vətəndaşlarımızı da sakitliyə çağırıram. Fevralda yaradılmış ajiotaj sonrakı proseslərə təsir etdi. Ciddi təlaş üçün heç bir əsas yoxdur. Saytlarda düzgün olmayan çağırışlar səsləndirilir, şayiələr yazırlar ki, guya manatın kursu 1-ə 5 dəyişəcək. Bunun heç bir əsası yoxdur. Iqtisadi komandada ciddi iş gedir”.

E.Rüstəmov dollarla olan kreditlərlə bağlı məsələyə baxıldığını dedi. Amma əhalinin böyük hissəsini maraqlandıran və deputatların da toxunduğu dollar kreditləri ilə bağlı konkret bir fikir söyləmədi: “Bu gün hökumətin gündəliyi kifayət qədər zəngindir. Bu məsələlərə də addım-addım baxılır. Hər şeyin vaxtı var”.

Bundan sonra gündəlikdəki məsələlər səsverməyə çıxarıldı və qəbul edildi.

Azərbaycanda valyuta böhranını nə zaman aradan qaldırmaq mümkün olacaq?

bankir
Keçmiş sovet respublikaları arasında milli valyutası devalvasiyaya məruz qalan tək Azərbaycan deyil. Hələ Azərbaycanda manatın ABŞ dollarından baha olduğu vaxtlarda keçmiş sovet respublikalarının əksəriyyətində devalvasiya prosesləri gedirdi. Azərbaycan isə milli valyutaya qarşı xarici təzyiqlərə xeyli müddət davam gətirərək ancaq ötən ilin fevralında ilk devalvasiyanı həyata keçirdi. Lakin bu da manata təzyiqləri azaltmadı, əksinə ölkədə güclü dollar ajiotajı baş qaldırdı və Mərkəzi Bank ötən ilin dekabrında ikinci devalvasiyanı elan edərək tənzimlənən üzən məzənnə siyasətinə keçidi elan etdi.
Virtualaz.org saytı bundan əvvəl Ukrayna Milli Bankının yürütdüyü monetar siyasət barədə bu ölkənin baş bankiri Valeriya Qontarevanın müsahibəsini dərc etmişdi. Ukrayna Milli Bankının rəhbəri deyirdi ki, Yanukoviç hökumətinin fiksə edilmiş məzənnə siyasəti ölkə iqtisadiyyatına zərər vururdu. Bu ölkədə hakimiyyət dəyişikliyindən sonra Milli Bank üzən məzənnə siyasətinə keçib və qrivna üç dəfəyə yaxın dəyər itirsə də hazırda vəziyyəti stabilləşdirmək mümkün olub.
Qonşu Gürcüstan da Azərbaycandan daha əvvəl milli valyutanın dəyərdən düşməsi prosesini yaşamışdı. İndi Gürcüstan Milli Bankının keçmiş prezidenti, nüfuzlu iqtisadçı Roman Qotsiridze “Tabula” adlı nəşrə açıqlamasında deyir ki, Azərbaycanda tüğyan edən valyuta böhranı hökumətin belə vəziyyətlərdə nə etməli olduğunun bariz nümunəsidir.
bankır
Keçmiş baş bankirin sözlərinə görə, bu mərhələni bütün postsovet respublikaları keçiblər. Lakin Azərbaycan bu proseslərdən düzgün nəticə çıxarmadı. Qotsiridzenin sözlərinə görə, Azərbaycan hökumətinin buraxdığı səhv, yəni vaxtında sərbəst üzən məzənnə siyasətinə keçməməsi nəticəsində hazırda ölkədə dollar qara bazarı formalaşır və ötən dövrlərdə oduğu kimi valyutanın iki kursu formalaşıb. Mərkəzi Bank tərəfindən müəyyən edilmiş kurs və qara bazar kursu. “Lakin Azərbaycan Mərkəzi Bankı axırda lazım olanı etməyə məcbur olacaq”-Qotsiridze deyib.
Azərbaycan Gürcüstanın əsas ticarət partnyorlarından biri olduğuna görə iqtisadçı hesab edir ki, manatın sürətli devalvasiyası Gürcüstanın da idxal-ixrac balansına təsir edəcək. “Azərbaycan milli valyutasının kəskin devalvasiyasının qarşısını ala biləcəyinə dair illüziyalarla qidalanan sonuncu ölkə oldu. Manatın dramatik şəkildə dəyərdən düşməsində daxildə yol verilən iqtisadi səhvlərin də rolu olub”-Qotsiridze deyib.
Milli Bankın eks-prezidenti hesab edir ki, Gürcüstan Milli Bankının prezidentinin mövqeyinin nə dərəcədə düzgün olduğu Azərbaycanın nümunəsində bir daha təsdiq olunur. “Parlament, hökumət,formal və qeyri-formal hakimiyyətyönlü qüvvələr, onların muzdla tutduğu ekspertlər tərəfindən göstərilən təzyiqlərə baxmayaraq Milli Bankın prezidenti Georgi Kadaqidze sərbəst üzən məzənnə siyasətinə keçdi və bu, əvvəldən düzgün addım idi”-Qotsiridze bildirib.
Bəs Azərbaycanda valyuta böhranını nə zaman aradan qaldırmaq mümkün olacaq? Ekspert hesab edir ki, hökumətin və Mərkəzi Bankın düzgün, uzlaşdırılmış fəaliyyətini təmin etmək mümkün olsa bu böhranı təxminən il yarım sonra aradan qaldırmaq olar.

Ekspert: “Son manatınızı dollara çevirməyin, özünüzə yox, banka xeyir verirsiz”

manatt
Azərbaycanda üzən məzənnəyə keçiddən sonra valyuta bazarında yaranmış ajiotaj süni xarakter daşıyır. Bu vəziyyətin yaranmasının obyektiv səbəbi bazarda tələbin təklifi qat-qat üstələməsidir. Amma tələbin artmasında subyektiv amillər də mühüm rol oynayır. Vəsaitlərini devalvasiyanın nəticələrindən qorumaq istəyən vətəndaşlar kütləvi şəkildə valyutadəyişmə məntəqələrinə axın edərək dollar almağa başlayıblar. Bu prosesi obyektiv adlandıranlar da var, amma paradoks ondan ibarətdir ki, əksər hallarda insanlar özlərinin son çörək pulunu belə dollara çevirib.

Azadliq.az  APA-ya istinadən xəbər verir ki, iqtisadçı ekspert Nicat Hacızadə də belə düşünür:

“Hazırda ölkədə manat-dollar tənzimlənməsində əhali arasında ajiotaj var. Amma əslində əhali bilməlidir ki, manat üzən məzənnə sistemindədir. Yəni artıq Mərkəzi Bankın müdaxilə etmək hüququ yoxdur. İndi bazarda manat dəyərsizləşir və dollar dəyərə minir, bu vəziyyəti yaradan əhali özüdür. Yəni əhali gedib nə qədər dollar alacaqsa, bilməlidir ki, manat da bir o qədər zəifləyəcək. Eyni zamanda elə o qədər də məhsulların qiyməti qalxacaq”.

Ekspert hesab edir ki, vətəndaşlar çoxlu miqdarda dollar almaqla əslində özünün düşdüyü vəziyyəti daha da ağırlaşdırır:

“Çoxlu dollar almaqla əslində özümüz-özümüzə quyu qazırıq. Məhsulların qiymətinin qaldırılmasında, dolların kursunun daha da möhkəmlənməsində bizim aldığımız dollarların xüsusi rolu var. İqtisadiyyatda belə termin mövcuddur ki, nəyə çox tələb varsa, o bir qədər də dəyərə minər. Dollara da bir məhsul kimi baxsaq, qiymətli kağız kimi baxsaq, onu nə qədər dəyərləndirsək, milli valyutamız o qədər zəiflədəcək”.

Dollarla əmanət yığımı yalnız uzunmüddətli perspektivdə effekt verir. Bu gün aldığı 500 manat maaşı aparıb gündəlik kursla dollara çevirənlər isə əslində maddi olaraq uduzurlar və bu prosesdən qazanan dollar alanlar deyil, banklar olur. Sadə bir misal çəkək. Məsələn, vətəndaş 500 manat maaş alır və onu dərhal indiki kursla dollara çevirir. Bu zaman həmin şəxsin əlində təxminən 300 dollar olur. Amma vətəndaş gündəlik istehlak mallarını, ərzaq və qeyri-ərzaq məhsullarını dollarla almır. Manatı qalmadığından o 3-5 gün sonra yenidən aldığı dolları manata çevirməyə məcbur qalır. Bu zaman o, 300 dolları bankları alış kursu ilə 470 manata satır və 30 manat zərərdə olur. İtirən ajiotaja uyub son qəpiyini dollara çevirən vətəndaş, qazanan isə yenə banklardır.

Nicat Hacızadə qeyd edir ki, indiki situasiyada qara bazardan dollar almış vətəndaşlar daha çox ziyana düşürlər:

“Qanuni inhisarda olmayan, yəni dövlət tərəfdən tənzimlənməyən xüsusi azad sahibkarlar vasitəsi ilə ölkəyə gətirilən idxal məhsullarının qiyməti də əhalinin dəyişdiyi miqdar dərəcəsində dəyişəcək. Onsuz da əhali bu məhsulları dollarla almayacaq. Məcburi halda aldığınız dolları manata çevirəcəksiniz. Yəni ölkə daxilində qanunvericiliyə uyğun olaraq istənilən alqı-satqı manat şəklində olmalıdır. Siz nə qədər dollar yığsanız belə, onu sonra məcburən manata çevirəcəksiniz. Digər tərəfdən əhali bilməlidir ki, qara bazadan dollar almağa üstünlük verməməlidir. Çünki bunu edənlər bu gün üçün artıq müəyyən itkilərlə üzləşiblər. Bu gün əgər dolların məzənnəsi 1.60-1.64 arasında dəyişirsə, insanlar isə gedib qara bazardan dolları 1.80 manat kursu ilə alırsa, bəri başdan bir dollarda 20 qəpik, 100 dollarda 20 manat ziyana düşür”.

Ekspert dolların kursunun stabilləşməsi üçün müəyyən addımlar atıldığını, bazarda ajiotajın aradan qalxdığını, qara bazardan yüksək kursla dollar alanların isə artıq ziyana düşdüyünü deyib:

“Əhali anlamalıdır ki, bu qədər dollar alıb yığmağın elə bir ciddi mənası yoxdur. Artıq Azərbaycan Dövlət Neft Fondu tərəfindən dolların satışı başlayıb. Deməli, bizim dollar ehtiyatımız artır. Bu isə o deməkdir ki, uzun müddətli dövrdə bu məzənnə 1.60 arasında dəyişəcək. Əgər siz dolları 1.80-dən almısınızsa və təcili olaraq qısa müddətdə dolları manata dəyişmək məcburiyyətində qalacaqsınızsa, bu, böyük itkilərlə nəticələnəcək. Çünki əhali baş verənləri proqnozlaşdıra bilməz. Əgər üçüncü devalvasiya həyəcanının yaşanması  həm Mərkəzi Bankın ehtiyatlarının azalması ilə, həm də dünya bazarında neftin qiymətinin aşağı düşməsi ilə birbaşa bağlıdır. Bunun nəticəsində ölkəyə valyuta ehtiyatı daha az daxil olur. Bu zaman mümkün idi ki, manat bir qədər də zəifləsin. Dövlət Neft Fondunun banklara dollar satması bu məsələni bir qədər ləngitdi. Ona görə də əhaliyə izah etmək lazımdır ki, qara bazara yaxınlaşmasın”.

Qeyd edək ki, Dövlət Neft Fondu bu həftə ərzində iki dəfə hərrac yolu ilə banklara ümumilikdə 500 milyon dollar satıb. Bazarda dollar kütləsinin artması təkliflə tələbi tarazlaşdırıb və valyutaların kursları nisbətən stabilləşməyə başlayıb.
Azadliq.az

Prezident: “Manatı evvelki seviyyede saxlamaq qeyri-mümkün idi”


11.01.2016 / 22:59 xeber –

“Bu, qaçılmaz bir addım idi. Bunun səbəbi Azərbaycandan kənarda yaranıb”

“2015-ci ildə Azərbaycan iqtisadiyyatı inkişaf edib. Bu da çox müsbət haldır. Əlbəttə ki, əvvəlki illərdə olan inkişaf əldə edilməyib. Bu da mümkün deyildi”.

 

APA-nın məlumatına görə, bunu Nazirlər Kabinetinin iclasındakı çıxışında Azərbaycan prezidenti İlham Əliyev deyib.

 

Prezident qeyd edib ki, neftin qiyməti 3-4 dəfə aşağı düşməsi manatın məzənnəsinin əvvəlki səviyyədə qalmasına imkan verməyib: “Manatın məzənnəsi devalvasiyaya uğrayıb. Bu da qaçılmaz idi.  Eyni zamanda, qonşu ölkələrdə də milli valyutalar 100 faiz, bəzi hallarda ondan da çox dərəcədə devalvasiyaya uğrayıb. Belə olan halda Azərbaycanda istehsal olunan məhsullar öz rəqabət qabiliyyətliliyini itirirdi, bizim istehsalçılara çox böyük təzyiq göstərilirdi. Sadəcə olaraq, manatı əvvəlki səviyyədə saxlamaq qeyri-mümkün idi. Yəni, bu, qaçılmaz bir addım idi. Bunun səbəbi Azərbaycandan kənarda yaranıb”.

 

Prezident bildirib ki, neftin qiymətinin kəskin şəkildə aşağı düşməsini sırf iqtisadi amillərlə bağlamaq doğru deyil: “Çünki dünya iqtisadiyyatı o qədər tənəzzülə uğramayıb ki, neftin qiyməti 3-4 dəfə aşağı düşsün. Mənim fikrimcə, burada ilk növbədə siyasi amillər öz rolunu oynayıb. Kimsə kiminləsə mübarizə aparır, biz isə bundan əziyyət çəkirik. Ona görə bu da əlbəttə ki, bizim iqtisadi vəziyyətimizə mənfi təsir göstərib. Ancaq biz çalışacağıq ki, bu məzənnənin dəyişməsi ilə bağlı mənfi fəsadların aşağı salınması üçün daha da fəal iş görək”.

 

mənbə :
lent.az

Prezidentden manat açıqlaması – FOTO

22:10 xeber – “Neftin qiyməti 3-4 dəfə aşağı düşüb. Manatın məzənnəsi devalvasiyaya uğrayıb. Bu da qaçılmaz idi. Çünki neftin qiymətinin 3-4 dəfə aşağı düşməsi imkan vermirdi ki, manatın məzənnəsi əvvəlki səviyyədə qalsın”.

Azadlıq.az xəbər verir ki, anspress-in məlumatına görə, bunu prezident İlham Əliyev Nazirlər Kabinetinin 2015-ci ilin yekunlarına həsr olunan iclasda deyib.

Qonşu ölkələrdə də milli valyutaların 100 faiz, bəzi hallarda ondan da çox dərəcədə devalvasiyaya uğradığını deyən İlham Əliyev bildirib ki, belə olan halda Azərbaycanda istehsal olunan məhsullar öz rəqabət qabiliyyətliliyini itirirdi.

“Bizim istehsalçılara çox böyük təzyiq göstərilirdi. Sadəcə olaraq, manatı əvvəlki səviyyədə saxlamaq qeyri-mümkün idi. Yəni, bu, qaçılmaz bir addım idi. Bunun səbəbi Azərbaycandan kənarda yaranıb. Neftin qiymətinin kəskin şəkildə aşağı düşməsini mən şəxsən iqtisadi amillərlə, sırf iqtisadi amillərlə bağlaya bilmərəm. Çünki dünya iqtisadiyyatı o qədər tənəzzülə uğramayıb ki, neftin qiyməti 3-4 dəfə aşağı düşsün. Mənim fikrimcə, burada ilk növbədə siyasi amillər öz rolunu oynayıb. Kimsə kiminləsə mübarizə aparır, biz isə bundan əziyyət çəkirik. Ona görə bu da əlbəttə ki, bizim iqtisadi vəziyyətimizə mənfi təsir göstərib. Ancaq biz çalışacağıq ki, bu məzənnənin dəyişməsi ilə bağlı mənfi fəsadların aşağı salınması üçün daha da fəal iş görək”, – deyə prezident bildirib.

İlham Əliyev bildirib ki, buna baxmayaraq, Azərbaycan iqtisadiyyatı artıb. Ümumi daxili məhsul 1 faizdən çox, sənaye istehsalı 2,4 faiz, qeyri-neft sənayesi isə 8,4 faiz artıb: “Bu, məni çox sevindirir. Çünki bu, son illər ərzində qeyri-neft sektorunun inkişafı deməkdir, aparılan islahatların nəticəsidir. Hesab edirəm ki, qeyri-neft sənayesinin 8,4 faiz artması bizim əsas göstəricimizdir”.

Dövlət başçısı vurğulayıb ki, keçən il ölkə iqtisadiyyatına 20 milyard dollara yaxın sərmayə qoyulub. Bunun yarısı xarici sərmayədir. Bu da çox müsbət haldır. Azərbaycan xarici investorlar üçün cəlbedici ölkə kimi öz potensialını təqdim edir. Başqa iqtisadi göstəricilər də müsbət dinamikanı göstərir. Yəni, 2015-ci ildə bütün bu geosiyasi və iqtisadi amilləri nəzərə alsaq, iqtisadi inkişafa nail olmaq özlüyündə böyük nailiyyətdir.

Keçən il bütün sosial proqramlar icra edilmişdir. Heç bir ixtisar olmamışdır. İnsanlara daha da böyük məbləğdə ünvanlı dövlət sosial yardımı verilmişdir. Bu sahədə də islahatlar aparılıb və bu yardımı alan insanların sayı azalıb. Bunun hesabına həqiqətən bu yardıma möhtac olan ailələrə daha da böyük məbləğdə yardım verilir. Bu gün 112 min ailə, təqribən 500 minə yaxın insan hər ay dövlətdən orta hesabla 152 manat yardım alır və il ərzində verilən bu məbləğ 7 faiz artıb.

Sosial infrastruktur layihələri icra edilmişdir. Baxmayaraq ki, bizim gəlirlərimiz azalıb, ancaq bu sahəyə biz vəsaiti təşkil edə bilmişik. Altmışa yaxın tibb müəssisəsi tikilib-təmir edilib, 20-dən çox məktəb təmir edilib-tikilib və hazırda 23 məktəbdə təmir işləri aparılır. Uşaq bağçalarının tikintisi davam edir. Yəni, sosial infrastruktur layihələri Dövlət İnvestisiya Proqramında nəzərdə tutulmuşdur və onlar icra edildi, bu il də icra edilməlidir.

Regionların inkişafı 2015-ci ildə sürətlə getmişdir. Mən dəfələrlə bölgələrdə olmuşam. Vəziyyətlə tanış olurdum, görürdüm ki, hər bir yerdə inkişaf, tərəqqi var, yeni sənaye müəssisələri açılır. Yüz mindən çox yeni iş yerləri açılmışdır ki, onlardan 84 mini daimi iş yeridir. Bununla bərabər, onu da deməliyəm ki, 40 min iş yeri bağlanmışdır. Ancaq buna baxmayaraq, 84 min daimi iş yeri açılmışdır, 40 min iş yeri bağlanmışdır. Yenə də burada biz müsbət dinamikanı görürük. Ancaq bununla bərabər, iş yerlərinin yaradılması ilə bağlı əlavə tədbirlər görüləcək.

mənbə :
anspress

Merkezi Bank açıqladı: dollar hefteye hansı qiymetle başlayır


11.01.2016 / 10:18 xeber –

 

Mərkəzi Bank bu günə olan valyuta məzənnələrini açıqlayıb. Lent.az-ın bankın saytına istinadən məlumatına görə, dolların rəsmi məzənnəsi 1,5642 manat olub. Bivalyuta səbətinə daxil olan avronun vahid valyutası da 0,37% və ya 0,0063 manat artaraq 1,7072 manata yüksəlib.

 

11.01.2016 tarixdən etibarən

Valyuta

Kod

Kurs

 

1 ABŞ dolları

USD

1.5642

1 Avro

EUR

1.7072

1 Avstraliya dolları

AUD

1.0913

1 Argentina pesosu

ARS

0.1126

100 Belarus rublu

BYR

0.0083

1 Braziliya rialı

BRL

0.3885

1 BƏƏ dirhəmi

AED

0.4259

1 Cənubi Afrika randı

ZAR

0.0935

100 Cənubi Korea vonu

KRW

0.1294

1 Çexiya kronu

CZK

0.0632

100 Çili pesosu

CLP

0.2148

1 Çin yuanı

CNY

0.2376

1 Danimarka kronu

DKK

0.2288

1 Gürcü larisi

GEL

0.647

1 Honq Konq dolları

HKD

0.2015

1 Hindistan rupisi

INR

0.0234

1 İngilis funt sterlinqi

GBP

2.2731

100 İndoneziya rupiası

IDR

0.0112

100 İran rialı

IRR

0.0052

1 İsveç kronu

SEK

0.1838

1 İsveçrə frankı

CHF

1.5726

1 İsrail şekeli

ILS

0.398

1 Kanada dolları

CAD

1.1046

1 Küveyt dinarı

KWD

5.151

1 Qazaxıstan tengəsi

KZT

0.0044

1 Qırğız somu

KGS

0.0206

100 Livan funtu

LBP

0.1037

1 Malayziya rinqqiti

MYR

0.3552

1 Meksika pesosu

MXN

0.0874

1 Moldova leyi

MDL

0.0777

1 Misir funtu

EGP

0.1998

1 Norveç kronu

NOK

0.1761

100 Özbək somu

UZS

0.0557

1 Polşa zlotası

PLN

0.3911

1 Rusiya rublu

RUB

0.0208

1 Sinqapur dolları

SGD

1.0876

1 Səudiyyə Ərəbistanı rialı

SAR

0.4167

1 SDR (BVF-nun xüsusi borcalma hüquqları)

SDR

2.1654

1 Türk lirəsi

TRY

0.5161

1 Tayvan dolları

TWD

0.0468

1 Tacik somonisi

TJS

0.2155

1 Yeni türkmən manatı

TMT

0.4601

1 Ukrayna qrivnası

UAH

0.0649

100 Yapon yeni

JPY

1.3325

1 Yeni Zelandiya dolları

NZD

1.0217

Qızıl

XAU

1723.5138

Gümüş

XAG

21.8847

Platin

XPT

1367.1108

Palladium

XPD

789.921

 

 

mənbə :
lent.az

Dolların qiymeti deyişmedi

09:53 xeber – Dollar yeni həftəyə sabitləşmə ilə başladı. Azərbaycan Mərkəzi Bankının (AMB) İdarə Heyətinin dekabrın 21-də üzən məzənnə rejiminə keçidlə bağlı qəbul etdiyi qərar manatın yenidən dəyərdən düşməsinə yol açıb.

Bu gün Azərbaycanda ABŞ dollarının məzənnəsi ötən həftə olduğu kimi qalıb. Azərbaycan Mərkəzi Bankı 11.01.2016-cı il tarixinə USD/AZN rəsmi məzənnəsini 1,5642 səviyyəsində müəyyən edib.

Avronun məzənnəsində bahalaşma qeydə alınıb. Avro 1.7009 manatdan 1.7072-yə yüksəlib.

Rusiya rublu isə cüzi ucuzlaşıb. Rubl 0.0209-dan 0.0208 manata enib.

Uzunmüddətli xarakter daşıyan xarici iqtisadi şokların güclənməsini nəzərə alaraq tədiyə balansının tarazlaşdırılması, ölkənin valyuta ehtiyatlarının kritik səviyyədə qorunması, milli iqtisadiyyatın beynəlxalq rəqabət qabiliyyətinin təmin olunması məqsədilə Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi barədə qərar qəbul edib.

Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşacaq. Mərkəzi Bankın valyuta bazarında iştirakı isə bu rejimə uyğun həyata keçiriləcək.

Üzən məzənnəyə keçid haqda qərar fevraldan sonra ikinci dəfə manatın ABŞ dollarına qarşı kəskin ucuzlaşmasına səbəb olub.

Həmçinin oxuyun:
Mərkəzi Bankdan 3-cü devalvasiya açıqlaması
Mərkəzi Bankdan banklara icazə ilə bağlı açıqlama (YENİLƏNİB)
500 dollardan çox pul dəyişənlərin nəzərinə
2016-cı ildə manatın taleyi
Dollarla kredit götürənlərin aqibəti…
Vahid Əhmədov: “Dollara görə artım olacaq, amma…”
Bakıda dollar ajiotajı (FOTO)

mənbə :
anspress

Manatın ucuzlaşma hadisələri – Dörd devalvasiyanın TARİXİ

manatt
Azərbaycanın milli valyutası olan manat 1992-ci il avqustun 15-dən tədavülə buraxılıb. Buna qədər azərbaycanlılar sovet rubluna manat deyirdilər. Müstəqillik şəraitində Azərbaycanda ilk vaxtlar manatla yanaşı, sovet rublu, sonradan isə rus rublu ilə paralel istifadə olunurdu.
1993-cü il noyabrın 22-dən sovet və rus rubllarının dövriyyədən çıxarılmasına başlanıldı.

Beləliklə, 1994-cü il yanvarın 1-dən manat Azərbaycanda yeganə ödəniş vasitəsi hesab olundu.
Modern.az saytının məlumatına görə, 1992-ci ildə Fransada istehsal edilən ilk manatlar 1, 10 və 250 nominalında idi (1 manat 10 sovet rublunun bərabər idi). Bundan başqa, 5, 10, 20 və 50 qəpiklər də xırda pul kimi vətəndaşların istifadəsinə verildi.
1992-ci ilin dekabrında bu əskinaslara 5, 1993-cü ilin martında isə 50, 100, 500 və 1000 manatlıqlar da əlavə edildi.
Lakin 1994-cü ildə Azərbaycanda çox ciddi inflyasiya baş verdi və manat 17 dəfə dəyər itirdi.
Ümumiyyətlə, 1994-1995-ci illər Azərbaycan manatı üçün ən ağır dövr hesab olunur.
Əgər 1994-cü ildə 1 dollar orta hesabla 678 manata bərabər idisə, 1995-ci ildə bu nisbət kəskin artaraq 4413 manat təşkil etdi. Belə şəraitdə, heç bir dəyər ifadə etmədiyi üçün bütün qəpiklər və 1, 5, 10 manatlıq əskinaslar dövriyyədən çıxarıldı.
1996-cı ildə isə Milli Bank 50 min manatlıq əskinası tədavülə buraxdı. Həmin illərdə manatın möhkəmlənməsi üçün tədbir görülsə də, bu, qısa müddət effektli oldu. Valyutadəyişmə məntəqələrində 1 dolları 3900 manata dəyişdirməyə başladılar. Lakin dünya bazarlarında neftin qiymətinin 1 barelə görə 10 dollardan aşağı düşməsi və 1998-ci ildə Rusiyanın defolt elan etməsi Azərbaycan iqtisadiyyatına təsirsiz ötüşmədi. O zaman hökumət manatın kursunu dollar qarşısında sabit saxlaya bilmManatın ən böyük ucuzlaşma hadisələri – Dörd devalvasiyanın TARİXİdi.
1999-cu il iyulun 8-də Milli Bank manatın məzənnəsini 6,9 faiz ucuzlaşdırdı. Nəticədə 1 dollar yenidən 4155 manata bərabər oldu.
1999-cu ildən 2006-cı il yanvarın 1-nə kimi (manatın denominasiya olunmasına qədər) manat dollar qarşısında stabil şəkildə ucuzlaşdı. Bu ucuzlaşma 6 il ərzində 20 faizi keçdi. 2005-ci ilin fevralında dollarla manatın nisbəti 1:4918-ə bərabər idi.

2006-cı il yanvarın 1-dən Azərbaycan Mərkəzi Bankı manatın 1:5000 nisbəti ilə denominasiyasını həyata keçirdi. Köhnə əskinaslar 1 il ərzində dövriyyədən çıxarıldı, yeni dizaynlı və isitfadə müddəti daha davamlı olan manatlar əhalinin istifadəsinə verildi.
2015-cü il fevralın 21-nə kimi manat dollar və avro qarşısında stabil kursu ilə seçilirdi.
2015-ci il fevrlın 21-nə qədər 1 manat 0,78 dollar təşkil etsə də, həmin gün Mərkəzi Bankın qərarı ilə 1 manat 1,05 dollara qədər ucuzlaşdırıldı. Bu, 1994-1995 və 1999-cu illərdəki qəfil ucuzlaşmalardan sonra manatın 3-cü ən böyük ucuzlaşmasıydı.
Amma həmin hadisə milli valyutanın sonuncu devalvasiyası olmadı.
4-cü ən böyük devalvasiya da baş verdi. Belə ki, 2015-ci ilin iyul ayının sonlarından etibarən dünya bazarında neftin qiymətinin sürətlə aşağı düşməsi valyuta bazarına və məzənnəyə təzyiqi yenidən artırdı. Nəticədə Mərkəzi Bankın İdarə Heyəti 21 dekabr 2015-ci il tarixində manatın “üzən məzənnə” rejiminə keçilməsi barədə qərar qəbul etdi. Bu qərar əslində manatın növbəti devalvasiyası idi. 21 dekab 2015-ci il tarixibndən sonra 1 dollar 1,55 manata bərabər oldu.
Və həmin gündən manat dollar qarşısında dəyərini tədricən itirməkdə davam edir. Hazırda Bakıdakı valyutadəyişmə məntəqələrində və banklarda 1 dollar =1,65-1,75 manat səviyyəsindədir.
Manatı qarşıda daha nələr gözləyir, növbəti kəskin ucuzlaşma baş verəcək, yoxsa antiböhran tədbirləri milli valyutanın dəyərsizləşməsinin qarşısını alacaq?.. İstənilən halda bu, daha çox Azərbaycan hökumətinin atacağı addımlardan asılıdır…
Azadliq.az

Dollar güne yükselişle başladı

09:56 xeber – Dollar bahalaşmağa davam edir. Azərbaycan Mərkəzi Bankının (AMB) İdarə Heyətinin dekabrın 21-də üzən məzənnə rejiminə keçidlə bağlı qəbul etdiyi qərar manatın yenidən dollar qarşısında ucuzlaşmasına səbəb olub.

Bu gün Azərbaycanda ABŞ dollarının məzənnəsi yenidən qalxıb. Ötən gün sabit qalan dollar bu gün 1.5642 manat olub. Ötən gün bu rəqəm 1.5626 manat idi.

Avronun məzənnəsində iki günlük sabitlikdən sonra bahalaşma qeydə alınıb. İndi bir avro 1.7009 manatdır. Ötən gün isə 1.6796 manat idi.

Rusiya rublu da ucuzlaşıb. Rubl 0.0213 manatdan 0.0209-a düşüb.

Uzunmüddətli xarakter daşıyan xarici iqtisadi şokların güclənməsini nəzərə alaraq tədiyə balansının tarazlaşdırılması, ölkənin valyuta ehtiyatlarının kritik səviyyədə qorunması, milli iqtisadiyyatın beynəlxalq rəqabət qabiliyyətinin təmin olunması məqsədilə Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi barədə qərar qəbul edib.

Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşacaq. Mərkəzi Bankın valyuta bazarında iştirakı isə bu rejimə uyğun həyata keçiriləcək.

Üzən məzənnəyə keçid haqda qərar fevraldan sonra ikinci dəfə manatın ABŞ dollarına qarşı kəskin ucuzlaşmasına səbəb olub.

Mərkəzi Bank bayram günlərindən öncə – ötən ilin son iş günü olan 30 dekabrda dolların məzənnəsi ilə bağlı xəbərdarlıq edib. Bank bildirib ki, bayram günlərində (31 dekabr-4 yanvar) milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şayiələrə inanmasınlar.
Mərkəzi Bankın (AMB) İdarə Heyəti dekabrın 21-də Yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsini 5 yanvar 2016-cı il tarixi üçün 1.5610 müəyyənləşdirmişdi.


Bakıda valyutadəyişmə məntəqəsi

Həmçinin oxuyun:
Mərkəzi Bankdan 3-cü devalvasiya açıqlaması
Mərkəzi Bankdan banklara icazə ilə bağlı açıqlama (YENİLƏNİB)
500 dollardan çox pul dəyişənlərin nəzərinə
2016-cı ildə manatın taleyi
Dollarla kredit götürənlərin aqibəti…
Vahid Əhmədov: “Dollara görə artım olacaq, amma…”
Bakıda dollar ajiotajı (FOTO)

mənbə :
anspress

Bakıda maşın qiymətləri düşür – Siyahı

masinbazari

Manatın dəyərdən düşməsi Bakının avtomobil bazarında özünü “ikinci əl” maşınların qiymətinin azalmasında göstərib. Onların qiymətləri dekabr devalvasiyasından sonra ciddi surətdə düşüblər və tezliklə əvvəlki rəqəmlərin qayıtması gözlənilmir.

Azadliq.az sputnik-ə istinadən xəbər verir ki, bazardakı satıcıların sözlərinə görə, dekabr devalvasiyasından əvvəlki bir neçə ay ərzində avtomobillərin alqı-satqısında bir qədər canlanma hiss olunurmuş. Bazar tədricən öncəki fevral devalvasiyasından özünə gəlirmiş. Lakin satıcıların sözlərinə görə, hazırda avtomobil bazarı sadəcə staqnasiya vəziyyətindədir. Qiymətlər düşsə də, insanlar avtomobil almağa tələsmirlər.

Belə ki, əgər rəsmi avtosalonlar yüksək qiymətləri servis müddətinin artırılması və güzəştli kreditlərlə kompensasiya edərək qiymətləri köhnə səviyyədə saxlaya və yaxud manatın dollara qarşı kursina uyğun qaldıra bilirlərsə, “ikinci əl” avtomobil bazarında vəziyyət başqa cürdür.

Bu bazardakı geriləməni satıcılar alıcılıq qabiliyyətinin düşməsi və çoxlarının qiymətlərin “dayanmasını” gözləyərək gözləmə mövqeyini seçməsi ilə bağlayırlar. Onların proqnozlarına görə, işlənmiş avtomobillərin qiymətləri düşməkdə davam edəcək, çünki öz maşınını satmaq istəyən çoxdur, alıcılar isə azalıb. Satıcılar avtomobili satmaq üçün qiymətləri aşağı salmağa məcbur olacaqlar.

Həmçinin müəyyən səbəblərdən avtokreditlərini ödəyə bilməyən avtomobil sahibləri də qiymətlərin enməsində müəyyən rol oynayacaqlar. Bu şəxslər avtomobilə bank tərəfindən həbs qoyulmamış və ya kredit üzrə borc böyüməmiş maşından canlarını qurtarmağa məcbur olacaqlar. İşlənmiş avtomaşınların düşməsində avtomobillərin ehtiyat hissələrinin qiymətlərinin artması da böyük rol oynayır. Maşın alverçiləri manatın kursu ilə bağlı qeyri-müəyyənlikdən və milli valyutanın yaxın gələcəkdə mütləq düşəcəyi barədə şayiələrdən şikayət edirlər.

Bu arada ehtiyat hissələrinin ucuz olması və yanacağı qənaətlə işlətməsi səbəbindən Koreya istehsalçılarının avtomobillərinə maraq artıb. Maşın sahibləri arasında ənənəvi olaraq populyar olan markalar da mövqelərini ciddi sürətdə itirməyiblər. Üstəlik, satıcılar qeyd edirlər ki, getdikcə daha çox alıcı avtomobilin kreditlə alınması və ya barter edilməsi variantları ilə maraqlanırlar.

Ən populyar işlənmiş avtomobillərin dekabr devalvasiyasına qədər və ondan sonrakı qiymətlərini təqdim edirik: (Qiymətlər ABŞ dolları ilə göstərilib)

avtomobilbazar

pradomasin

masinmercedes

masinhyundai

masinbazari2

masinbazari3

Amerika dolları yenə bahalaşır

lar
“Report” agentliyinin analitik qrupunun bu gün Bakı şəhərinin 28 May küçəsində yerləşən valyutadəyişmə məntəqələri üzrə saat 16:00 radələrində apardığı monitorinq nəticəsində nağd ABŞ dollarının alış-satış məzənnələrinin yenidən artdığı qeydə alınıb. Əksər “exchange”lərdə 1 ABŞ dollarının alışı 1,72 manat, satışı isə 1,80 manata aparılır. Qeyd edək ki, günün ilk yarısında valyutadəyişmə məntəqələrində dolların alış-satış məzənnələri 1,67-1,75 AZN/USD olub.
Qeyd edək ki, Azərbaycan Mərkəzi Bankının (AMB) bu günə olan rəsmi məzənnəsi dünənki səviyyədə – 1,5626 AZN/USD qalsa da, bu gün keçirilən valyuta hərracında tələbin yalnız 19% qarşılanması nəticəsində valyuta bazarında yenidən ajiotaj yaranıb.

Valyuta hərracları vasitəsilə mütəşəkkil bazarda kommersiya banklarına dollar kütləsi satan AMB satışı “ən yaxşı təklif” prinsipi ilə həyata keçirir. Dekabrın son günlərində gündəlik 100 mln. dollara yaxın valyuta satan AMB-nin mütəşəkkil valyuta bazarına intervensiyasının bu gün zəiflədiyi diqqətə çarpıb.
Azadliq.az

Dollar sürətlə bahalaşacaq-PROQNOZ

mana
Dünya valyuta bazarında ABŞ dollarının mövqelərinin güclənməsi və cari məzənnəsinin ən gec fevralın 15-dək avronu üstələməsi proqnozlaşdırılır. Dekabrda ABŞ Federal Ehtiyat Sisteminin (FES) uçot dərəcəsini artırmağa başlamasından sonra USD/EUR məzənnəsi əks hərəkət həyata keçirib və 1,06-dan 1,10 səviyyəsinə qədər sərt bir şəkildə artıb.

“Report” xəbər verir ki, FES-in növbəti iclası fevralın 1-də olacaq və bu iclasda uçot dərəcəsinin artırılması gözlənilmir. Lakin “Report”un analitik qrupu martın 15-də keçiriləcək növbəti iclasda uçot dərəcəsinin 0,25-0,50 faiz bəndi artırılmasını proqnozlaşdırır. FES rəhbərliyindən gələn açıqlamalarda uçot dərəcəsinin artırılması üçün qlobal bazarda sabitliyin olması şərtinin irəli sürüldüyü diqqətə çarpır. Bu da, martın əvvəlindən dünya bazarında istər fond birjaları, istər əmtəə qiymətləri, istərsə də valyuta cütlüklərinin pozitiv əhval-ruhiyyədə olması zərurəti yaradır. “Lakin dolların möhkəmlənməsi də qaçılmazdır. Deməli, dollarınn möhkəmlənməsi daha erkən, yəni artıq bu gündən baş tutacaq və bununla paralel dünya fond birjaları və əmtəə qiymətləri də kəskin azalacaq”, – deyə analitiklər qeyd edir.

“Report”un analitik qrupu dollar/avro məzənnəsinin artıq fevralın ortasına qədər 0,95-0,98 USD/EUR diapazonuna enəcəyini proqnozlaşdırır: “Daha sonra, aprel ayının əvvəlinə qədər məzənnə yenidən paritetin üstünə çıxacaq. Dolların möhkəmlənməsinə Avropa Mərkəzi Bankının (ECB) monetar ekspansiya qərarında tərəddüd etməsi də dəstək verir”.

“Azərbaycanda isə dolların rəsmi məzənnəsinin fevralın 15-dək 1,60 AZN/USD-yə qədər yüksələcəyi, mütəşəkkil valyuta bazarında isə 1,70-1,75 AZN/USD aralığında olacağı ehtimal edilir”, – deyə Agentliyin ekspertləri bildiriblər.
Azadliq.az

Mərkəzi Bankın valyuta ehtiyatları azalıb – VİDEO

mer

Azərbaycan Mərkəzi Bankının rəsmi valyuta ehtiyatları azalıb

Mərkəzi Bankın «2016-cı il üçün pul və maliyyə sabitliyi siyasətinin əsas istiqamətləri barədə bəyanat»ında deyilir ki, valyuta ehtiyatları 5 milyard ABŞ dollarınadək düşüb.

Bu o deməkdir ki, Mərkəzi Bank ötən ilin son ayında manatı qorumaq üçün 1 milyard 245 milyon dollar xərcləyib, çünki noyabrın sonunda valyuta ehtiyatının həcmi 6 milyard 245.6 milyon dollar olub.

Bəyanatda o da deyilir ki, son 1 ildə Mərkəzi Bankın valyuta bazarında satışları 8 milyard ABŞ dollarını ötüb.(azadliq.orq)

ANS TV-nin məlumatına görə isə son 5 ayda bu tendensiya daha da sürətlənərək nəhayət dekabrın sonunda Mərkəzi Bankın rəsmi valyuta ehtiyatı 13,7 milyard dollara düşüb. Qurumun bununla bağlı yaydığı bəyanatda bildirilir ki, valyuta ehtiyatlarının saxlanılmasının başlıca məqsədi pul və valyuta siyasətinin həyata keçirilməsi, ölkədaxili maliyyə sabitliyinin təmin olunmasıdır. Bu məqsədlə Mərkəzi Bank 2014-cü ilin 11 ayında manatın dollara qarşı kəskin bahalaşmasının qarşısını almaq üçün 1milyard 270 milyon dollarlıq alış yönlü müdaxilə edib. Dekabr ayında isə rublun kəskin ucuzlaşması Azərbaycanın valyuta bazarına psixoloji təsir göstərib.

Nəticədə ölkədə dollara tələbat artıb. Manatın məzənnəsini qorumaq üçün Mərkəzi Bank bazara 1 milyard 127 milyon dollarlıq satış yönlü müdaxilə edib.

AMB: yeni devalvasiya dalğaları ola bilər

doll

Ortamüddətli dövrdə milli iqtisadiyyatın “yenidən balanslaşdırılması”, özəl investisiyalara və ixraca arxalanan iqtisadi artım modelinə (“təklif iqtisadiyyatı”) keçidin sürətlənməsi və bu əsasda daha dayanıqlı və şaxələndirilmiş iqtisadi artımın təmin edilməsi iqtisadi siyasət qarşısında duran strateji çağırışdır.
Bu, Mərkəzi Bankının 2016-cı il üçün pul və maliyyə sabitliyi siyasətinin əsas istiqamətləri barədə bəyanatında əksini tapıb.

Mərkəzi Bankın bəyanatında qeyd edilib ki, bu çağırışa uyğun olaraq milli iqtisadiyyatın yeni makroiqtisadi dayanıqlıq müstəvisinə keçirilməsi, bu əsasda iqtisadi siyasətin bütün istiqamətlərinin daha effektiv sinxronlaşdırılması vasitəsilə makroiqtisadi və maliyyə sabitliyinin təmin edilməsi istiqamətində Mərkəzi Bank hökumətlə birlikdə kompleks tədbirlər həyata keçirəcək. Mərkəzi Bankın bəyanatında vurğulanır ki, yüksələn qlobal risklər fonunda 2016-cı ildə də dünya iqtisadiyyatında artımın zəif və kövrək olacağı, beynəlxalq əmtəə və maliyyə bazarlarında isə qeyri-müəyyən şəraitin qalacağı proqnozlaşdırılır. Valyuta axınlarındakı qeyri-müəyyənliklər Azərbaycanın ticarət tərəfdaşı olan ölkələrin valyutalarının məzənnələrindəki dəyişkənliyi artıra bilər. ABŞ-da monetar siyasətin sərtləşməsi və dünya əmtəə qiymətlərinin azalması şəraitində inkişaf etməkdə olan ölkələrdə yeni devalvasiya dalğalarının yaşanacağı istisna deyil.

Mərkəzi Bank nəzərə çatdırır ki, 2016-cı il üçün dünya bazarında neftin orta qiyməti ilə bağlı müxtəlif proqnozlar verilir. Dünya neft bazarında təklifin tələbi üstələməsi şəraitində əksər analitik mərkəzlər neftin ucuzlaşmaqda davam edəcəyini proqnozlaşdırırlar. 2016-cı ildə də qeyri-neft sektoru iqtisadi artımın başlıca mənbəyi olacaq. Milli iqtisadiyyatın və ixracın şaxələndirilməsinə yönəlmiş əlavə tədbirlər qeyri-neft sektorunda iqtisadi artıma müsbət təsir edəcək. Neftin qiyməti tədiyə balansının profisitinə təsir göstərən başlıca amildir. Müxtəlif qiymət ssenariləri üzrə hökumətin və Mərkəzi Bankın adekvat siyasət reaksiyaları mövcuddur. Neftin 30 ABŞ dolları qiymətinə düşməsi perspektivləri nəzərə alınmaqla makroiqtisadi siyasətin yeni şəraitə adaptasiyası təmin ediləcək. Manatın formalaşmış yeni əlverişli məzənnəsi neftin daha aşağı qiymətində belə idxalın əhəmiyyətli azalmasını və yerli istehsalla əvəzlənməsini, qeyri-neft ixrac potensialının reallaşmasını təmin etməklə tədiyə balansının tarazlaşmasına, habelə strateji valyuta ehtiyatlarının yüksək səviyyədə (hazırda ÜDM-in 100%-indən çox) qorunub saxlanmasına gətirib çıxarmalıdır. 2016-cı ildə pul siyasəti qərarları iqtisadi artım və inflyasiya riskləri balansının qiymətləndirilməsi əsasında qəbul ediləcək.

Mərkəzi Bank başlıca olaraq baza inflyasiyanın idarə olunmasına yönəlmiş siyasət həyata keçirəcək. Xarici ticarət tərəfdaşı ölkələrində inflyasiya və manatın çoxtərəfli məzənnəsində baş verən dəyişikliklər inflyasiyaya təsir edən mühüm amillər olacaq. İnflyasiyanın səviyyəsinə daxili tələbin dinamikası və xarici amillər təsir edəcək. Mərkəzi Bank pul siyasətinin çərçivəsini inflyasiyanın birbaşa hədəflənməsi rejiminə uyğunlaşdırmaq istiqamətindəki fəaliyyətini davam etdirəcək. İnflyasiyanın hədəflənməsi rejiminə keçid şərtlərinin reallaşdırılması ilə yanaşı, pul siyasəti dizaynında baş verən dəyişikliklər, mərkəzi bankların hədəf perimetrinin və alət arsenalının genişləndirilməsi ilə bağlı son meyillər nəzərə alınacaq. “Üzən məzənnə” rejiminə keçdikcə Mərkəzi Bank alternativ operativ hədəflər (“lövbərlər”) vasitəsilə inflyasiyanın monetar amillərinə təsir göstərməyə çalışacaq. Pul siyasətinin faiz dərəcələrinə və iqtisadiyyata ötürücülük qabiliyyətinin gücləndirilməsini təmin etmək üçün bu siyasətin effektiv həyata keçirilməsinin əsas mexanizmi olan banklararası pul bazarının inkişafının sürətləndirilməsi diqqət mərkəzində saxlanacaq, buradakı faiz dərəcələrinin faiz dəhlizi mexanizminə inteqrasiyası imkanlarına baxılacaq.

Mərkəzi Bankın bəyanatında bildirilir ki, 2016-cı ildə manatın məzənnəsi başlıca olaraq valyuta bazarında tələb və təklif nisbətini müəyyən edən fundamental amillərin təsiri altında, “üzən məzənnə rejimi” çərçivəsində formalaşacaq. Üzən məzənnə iqtisadiyyatın mənfi xarici şoklardan etibarlı qorunmasını, onun orta və uzunmüddətli dayanıqlığının gücləndirilməsini, iqtisadiyyatın və ixracın şaxələnməsinin sürətləndirilməsini, yerli istehsalın beynəlxalq rəqabət qabiliyyətinin daha da artırılmasını təmin etməlidir. Məzənnə rejiminin çevikliyinin artırılması valyuta ehtiyatlarının zəruri həcmdə qorunmasına imkan verən ən mühüm amildir. Eyni zamanda üzən məzənnə inflyasiyanın hədəflənməsi rejiminə keçidin başlıca şərtlərindən biridir.

Növbəti ildə iqtisadi subyektlərin üzən məzənnə rejiminə adaptasiyasının tamamlanması gözlənilir. 2016-cı ildə xarici iqtisadi şoklar, neftin qiyməti, xarici ticarətdə tərəfdaş ölkələrin, xüsusən neft amilinin güclü təsir etdiyi ölkələrin milli valyutalarının dəyişməsi dinamikası valyuta bazarına və manatın məzənnəsinə təsir göstərən əsas amillər olacaq. Digər tərəfdən, fiskal siyasət, o cümlədən dövlət investisiya siyasəti, xarici borcun idarə olunması, beynəlxalq hesablaşmalar mexanizminin təkmilləşdirilməsi tədbirləri və digər institusional məsələlərin həlli valyuta balansına təsir edəcək mühüm amillərdir. Bütün bunları nəzərə alaraq, 2016-cı ildə Mərkəzi Bank hökumətlə birgə sərəncamında olan imkanlardan istifadə etməklə valyuta bazarının tarazlaşdırılmasına və bu əsasda kəskin məzənnə tərəddüdlərinin hamarlanmasına çalışacaq. /APA/
Azadliq.az

Fikret Yusifov: "Bankların maddi durumu az krediti olan ehaliye kömek etmeye imkan verir" – MÜSAHİBƏ


22.12.2015 / 20:00 xeber –

“Ekonomiks” Beynəlxalq İqtisadi Araşdırmalar Birliyinin sədri, İqtisad elmləri doktoru, professor, Fikrət Yusifov

 
 
Mövzu:  Üzən məzənnəyə keçiddən sonra labüd addımlar
 

"Əslində, valyuta rezervləri məhz milli valyutanı tənzimləmək üçün istifadə olunmalıdır"

"Qonşuluqda və dünyada gedən proseslər fonunda bizim başqa çıxış yolumuz yox idi"

"Mərkəzi Bankda analitik mərkəz var, bu, gözübağlı atılmış addım deyil"

"Mərkəzi Bank idarə olunan üzən məzənnəyə keçib, yəni, manata müdaxilə etmək iqtidarına malikdir"

"Real olaraq kəskin devalvasiya getdi və bununla bərabər həm də üzən məzənnəyə keçdik"

"Mərkəzi Bankı anlamaq lazımdır, bu, zəruri bir addım idi"

"Son 10 gün ərzində Rusiyada rubl 10 rubla qədər ucuzlaşdı, amma insanlar psixoloji cəhətdən buna öyrəşiblər deyə müzakirə belə etmirlər"

"Manatın başına nə gəlsə də, bu, bizim atributumuzdur, biz ona hər zaman hörmət etməliyik"

"Mərkəzi Bank yaranmış durumda banklar üçün xüsusi təkliflər paketi hazırlamalı və icrasına nəzarət etməlidir"

"Bankların maddi durumu imkan verir ki, az krediti olan əhaliyə kömək etsin"

"Əhalinin aztəminatlı təbəqəsinin əziyyət çəkməməsi üçün, banklar kredit sahiblərinə fərdi qaydada yanaşmalıdır"
 
"Nəzarət və cəza sistemi olmalıdır, yersiz, əsassız süni qiymət artımının qarşısı alınmalıdır"

"Hazırda müavinətlər və sosial paketlər üzərində işlər aparılır"
 
"Xaricdən gələn məhsulların qiymətində onsuz da dəyişiklik olacaq, bu, bir reallıqdır"
 
"Dünyada gedən proseslər göstərir ki, neftin qiyməti aşağı düşməkdə davam edəcək"

mənbə :
lent.az

Nazirlik dollara göre işe başladı

11:21 xeber – İqtisadiyyat və Sənaye Nazirliyi dolların məzənnəsinin kəskin artımı, manatın ucuzlaşması fonunda qiymət artımı ilə bağlı məlumat yayaıb.

Nazirliyin mətbuat xidmətindən ANS PRESS-ə verilən məlumata görə, Mərkəzi Bankın İdarə Heyəti 21 dekabr tarixində manatın idarəolunan üzən məzənnə rejiminə keçirilməsi barədə qərar qəbul edib.

Bununla əlaqədar İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında məzənnə dəyişikliyi ilə bağlı olmayan qiymət artımı, süni mal qıtlığı və digər sui-istifadə hallarının qarşısının alınması üçün nəzarət tədbirləri gücləndirib.

Dövlət Xidməti istehlak bazarında baş verən dəyişiklikləri diqqətlə təhlil edir və manatın məzənnəsinin dəyişməsindən sui-istifadə hallarına rast gəlindiyi təqdirdə, qanunvericiliyə uyğun tədbirlər görüləcək.

mənbə :
anspress

Nazirlikden ölkedeki qiymet artımı ile bağlı AÇIQLAMA


22.12.2015 / 11:17 xeber –

“Manatın məzənnəsinin dəyişməsindən sui-istifadə hallarına rast gəlindiyi təqdirdə, qanunvericiliyə uyğun tədbirlər görüləcək”

İqtisadiyyat və Sənaye Nazirliyi bəzi mağazalarda qeydə alınan qiymət artımı ilə bağlı məlumat yayıb.

 

Lent.az nazirliyin mətbuat xidmətinə istinadən xəbər verir ki, bununla əlaqədar İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında məzənnə dəyişikliyi ilə bağlı olmayan qiymət artımı, süni mal qıtlığı və digər sui-istifadə hallarının qarşısının alınması üçün nəzarət tədbirləri gücləndirilib: “Dövlət Xidməti istehlak bazarında baş verən dəyişiklikləri diqqətlə təhlil edir və manatın məzənnəsinin dəyişməsindən sui-istifadə hallarına rast gəlindiyi təqdirdə, qanunvericiliyə uyğun tədbirlər görüləcək”.

mənbə :
lent.az

Manata ehsan


22.12.2015 / 10:40 xeber –

Vüsalə Məmmədova

 

Ötən gün xalqımız bir daha sübut etdi ki, başımıza gələn hadisə nə qədər əhəmiyyətli, taleyüklü olur-olsun, biz ona Facebook-da lağlağı ilə yanaşır, məzələnməklə (məzənnə də elə məzə sözündəndir) kifayətlənirik. Bu da bizim son illərdə kütləvi şəkildə “manısa” çevrilməyimizi göstərir. Biz artıq təkcə peşə olaraq “manıs”lığa üstünlük vermirik, xaraktercə dəyişir, baş verən proseslərə onların gözü ilə yanaşırıq.

 

Gənclər xatırlamaz, müharibə illərində belə bir şüar var idi: Kaş millətdə ruh yaşasın. Biz elə haldaydıq ki, heç çoxumuz bilmirdik ruh nədir, amma bir gündə onlarla şəhidi dəfn edərkən bu sözləri deməyi unutmurduq. Dünənki yumor hissimiz göstərdi ki, millətdə ruh yaşayır! Ən vacib olanı da budur.

 

İşdən evə gedəndə anam zəng etdi ki, yağ alarsan, halva çalacağam. Marketə girər-girməz qarşılaşdığım mənzərədən gözlərim doldu, sabaha ümidim bir az da artdı. Xalq kütləvi surətdə ayağa qalxaraq, marketlərə axın etmişdi. Satıcılar təlaşla vitrindəki qiymətləri qopardır, insanlar isə malların ağına-bozuna baxmadan onları arabalara doldururdular. Bu yanğınlı, devalvasiyalı, sabaha bir az da olsun gümanımız olmadığı zamanda camaatın bu qədər azuqəni yeyə biləcəklərinə ümidləri varsa, demək ki, ölməyəcəyik! Nə qədər ki, “aclıq olsun,  kef olsun, mənim qarnım tox olsun” devizi ilə yaşayırıq, heç bir devalvasiya bizə bata bilməz! Belə də ki, biz nələr yaşadıq, ölmədik. 48 faiz bahalaşma nədir ki? Yenə də bir-birimizdən oğurlayacağıq. Daha yaxşı yaşayacağıq. Hələ daha böyük toylar edib, elliklə ayağa qalxıb, daha geniş halay çəkib, çiyin-çiyinə rəqs edəcəyik.

 

Ümumiyyətlə, biz xalq olaraq iki məqamda ayağa qalxa bilirik. Bir – toyda oynamağa, bir də bahalaşmada ərzaq ehtiyatımızı çoxaltmaq üçün…

 

Başa vurduğumuz il həyatımızda yanğın və devalvasiya ilə qaldı. Çoxdan yanırdıq,  amma alovu bu il gözlərimizlə gördük. Devalvasiya sözü ilə isə bu il tanış olduq. (Devalvasiya isə vəlvələ sözündəndir) Manat da xəyallarımız kimi suya düşdü. Deyir, bundan sonra üzəcək. Amma problem ondadır ki, o, suya baş vurmadan öncə ölmüşdü. Diri olsa, yenə “mən ölüm”lə dilə tutub sahilə çəkə bilərdik. İndi ümidimiz dalğalaradır…

 

Gözümüz sahilə dikilib. Görək üzə-üzə bizi aparıb kimin qapısına çıxardacaq…

 

Artıq sahildə dayanıb gözləmək kifayətdir. Hamılıqla o suya baş vurmamız lazımdır. Manatı xilas edə bilməsək də, heç olmasa suda ayılarıq…

 

P.S. Marketdə yağ qalmamışdı, manata ehsan verə bilmədik…

 

mənbə :
lent.az

Prezident köməkçisindən manat haqqında – açıqlama

Azərbaycan Prezidentinin ictimai-siyasi məsələlər üzrə köməkçisi Əli Həsənov Azərtac-ın suallarını cavablandırıb.

Azadliq.az ‘Qafqazinfo’-ya istinadən verdiyi məlumata görə sözügedən qısa müsahibəni təqdim edir:

– Əli müəllim, məlum olduğu kimi dünən Mərkəzi Bankın İdarə Heyəti ölkə ərazisində manatın “üzən məzənnə rejimi”nə keçilməsi barədə qərar qəbul edib. Bununla bağlı cəmiyyətdə müxtəlif rəylər və təhlillər səslənir. Sizcə bu qərar hansı zərurətdən irəli gəlib və ölkədə bu sahə üzrə sonrakı proseslərə necə təsir göstərəcək?

– Bildiyiniz kimi, Azərbaycan hakimiyyəti milli valyutamızın sabit qalması üçün dünənə qədər mümkün olan bütün addımları atdı və tədbirləri gördü. Baxmayaraq ki, əksər neft istehsal edən ölkələr, o cümlədən Azərbaycanın yaxın ticarət və iqtisadi tərəfdaşları, MDB ölkələri öz pul siyasətlərinə xeyli əvvəl dəyişiklik etmişdilər. Mütəxəssislər yaxşı bilir ki, müdaxilə yolu ilə valyutanın sabitliyinin qorunması dövlətə nə qədər çətin itkilər hesabına başa gəlir. Lakin o da bəllidir ki, “üzən kurs”a keçid də çəmiyyət üçün itkisiz başa gəlmir və özü ilə bir çox sosial-iqtisadi problemlər gətirir, dövlətin daxili həyatına, ictimai rəyə mənfi təsirsiz ötüşmür. Son günlər Azərbaycanda hamıya bəlli idi ki, “üzən kurs”a keçid prosesi qaçılmaz həddə çatıb və Milli Bank bununla hesablaşmaq məcburiyyətindədir. Bilirsiniz ki, neçə vaxtdır dünyada iqtisadi böhran yaşanır, ölkələrin əksəriyyətində milli istehsal və gəlirlər azalır, valyutalar dəyərini itirir. İqtisadi qüdrətindən və potensialından asılı olmayaraq, əksər ölkələrdə – dünyanın ən qüdrətli dövlətlərindən olan Çindən tutmuş, kiçik dövlətlərə qədər – bütün ölkələrdə milli valyuta sürətlə dəyərdən düşür. Bizim ən yaxın ticarət tərəfdaşlarımız – Rusiya, Türkiyə, İran, Qazaxıstan, Gürcüstan və digərlərinin milli valyutaları çoxdan sərbəst buraxılmışdı ki, bu da onlarla iqtisadi və ticarət əlaqələrimizə problemlər yaradırdı. Azərbaycanın daxili istehsalı manatın sabit və yüksək kursu səbəbindən getdikcə aşağı düşürdü. Belə bir vəziyyətdə, manatın kursunun sərbəstləşdirilməsi qaçılmaz idi. Yalnız Azərbaycan hakimiyyəti əhalinin sosial vəziyyətinə mənfi təsir göstərə biləcək prosesləri mümkün qədər ağrısız etməyə və ləngitməyə çalışırdı. Amma, bilirsiniz ki, ölkəmiz qlobal dünyanın bir hissəsidir və biz də planetimizdə yaşanan iqtisadi proseslərlə ayaqlaşmaq, buna uyğunlaşmaq məcburiyyətində qaldıq. Bir faktı da qeyd etmək istəyirəm ki, Azərbaycan neft ölkəsidir və bizim kimi ölkələr dövlət büdcəsinin əsas gəlir mənbəyi olan neftin kəskin ucuzlaşması faktorunu nəzərə almaya bilməz. Bu ilin əvvəlindən dünya bazarlarında neft və neft məhsullarının qiyməti 3 dəfə ucuzlaşıb. Bu hal müvafiq olaraq, Azərbaycanın neft gəlirlərinin də 3 dəfə azalması deməkdir. Əsas gəlir mənbəyi neft olan digər ölkələr, o cümlədən bizim yaxın qonşularımız artıq bu ilin əvvəlindən milli valyutalarının kursunu sərbəst buraxmaq məcburiyyətində qaldığı halda, Azərbaycan Milli Bankı bu kəsiri uzun müddət öz ehtiyyatları hesabına ödəməyə çalışdı. Lakin bu prosesi daim valyuta ehtiyatları hesabına tənzimləmək gələcəkdə ölkənin iqtisadi vəziyyətinə daha böyük zərbələr vura bilərdi. Çünki dünya bazarlarında neftin qiymətlərinin yaxın vaxtlarda bahalaşmayacağı hamıya aydındır. Təbii ki, bu, yalnız obyektiv bazar qanunları ilə bağlı proses deyil, ortada suvyektiv səbəblər də var və bunun ən başlıcası ABŞ-Rusiya münasibətləridir. Hadisələri izləyən hər kəs üçün aydındır ki, Rusiya ilə geosiyasi rəqabətin gücləndiyi bir şəraitdə Birləşmiş Ştalar öz rəqibini iqtisadi cəhətdən zəiflətmək üçün dünya bazarında neftin qiymətlərinə süni yolla təsir göstərmək siyasətini seçib. Bunun üçün Vaşinqton əvvəlcə OPEK-i nəzarətə götürdü və bu təşkilatın qiymətlərlə bağlı qərar qəbul etmək imkanını müxtəlif üsullarla məhdudlaşdırdı. Bunun ardınca Birləşmiş Ştatlar xaricə neft satışına qoyulmuş 40 illik qadağanı ləğv etdi. Nümayəndələr Palatasının bu qadağanın ləğvi barədə qanun layihəsini dəstəkləməsi dünya bazarlarına neftin sürətlə ucuzlaşması fonunda baş verirdi. Bu qərarı da iqtisadiyyat qanunları ilə izah etmək mümkün deyil. Çünki ABŞ neft satışına qiymətin rekord həddə yüksək- az qala, 150 dollar olduğu zaman deyil, rekord həddə ucuz – 37 dollar olan zaman başlaması sübut edir ki, məqsəd, qanun layihəsinə göstərildiyi kimi, “iqtisadi inkişaf və istehsalatın artmasından çox, qiymətlərin bu yolla tənzimlənməsindən” gedir. Nəhayət, neft satışına qoyulan qadağanın ləğvi ilə eyni vaxtda ABŞ Federal Rezerv Sisteminin uçot dərəcəsini artırması da dolların mövqeyini möhkəmləndirməklə yanaşı, digər ölkələrin valyutalarını zəiflətdi. Bu, onsuz da ucuzlaşmış nefti bir qədər də qiymətdən saldı və nəticədə neft satan ölkələrin gəliri daha da azaldı. Azərbaycanın qonşusu olan İranın da gələn ildən öz neftini dünya bazarına çıxartmağa hazırlaşdığını nəzərə alsaq, bu prosesin yaxın vaxtlarda nizama düşməsi çöx mürəkkəb görünür.

Bir sözlə, dünyadakı iqtisadi böhran, Azərbaycanın ən yaxın ticarət tərəfdaşlarının milli valyutalarının sərbəst buraxılması, üstəlik beynəlxalq konyuktura, neftin kəskin ucuzlaşması və s. Milli Bankın son qərarını qaçılmaz edib. Lakin bu o demək deyil ki, hakimiyyət bu prosesi öz axarına buraxıb heç bir tənzimləyici mexanizmlərdən istifadə etməyəcək. Hökumətimiz İlk növbədə, çalışacaq ki, sosial müdafiəyə ehtiyacı olan vətəndaşlar üçün bu prosesi maksimum ağrısız etsin. İndiki şəraitdə daxili istehsalın stimullaşdırılması, kölgə iqtisadiyyatının hələ də haradasa qalan digər sahələrini – monopoliyaları, korrupsiya hallarını, sahibkarların fəaliyyətinə süni maneələr törədilməsini və s. aradan tam qaldırmaq üçün bütün addımlar atılacaq. İndiki mərhələdə əsas məqsəd devalvasiyanın qaçılmaz olan mənfi fəsadlarını yeni bazar mexanizmləri ilə kompensasiya etməkdir. Və vətəndaşlarımız əmin olsunlar ki, Azərbaycan hakimiyyəti bunun üçün bütün lazımi tədbirləri görəcəkdir.

– Bu yaxınlarda ABŞ-ın Helsinki Komissiyasının sədri, konqresmen Kris Smit Konqresə Azərbaycana qarşı bəzi sanksiyaların tətbiq olunması ilə bağlı layihə təqdim edib. Bu təşəbbüsü necə qiymətləndirirsiniz və onun perspektivini necə görürsünüz?

– Bilirsiniz, Azərbaycan belə məsələlərə yanaşmada ayrı-ayrı ermənipərəst siyasətçilərin deyil, tərəfdaş olduğu dövlətlərin rəsmi mövqeyini əsas götürür və siyasətini də bu mövqeyə uyğun olaraq qurur. Kris Smitin bu qərəzli addımı isə hələ ABŞ rəsmilərinin və Ağ Evin mövqeyi demək deyil. Bu konqresmeni Azərbaycanda yaxşı tanıyırlar, onun hələ 2000-ci illərdən mütəmadi olaraq ermənipərəst bəyanatlar və təşəbbüslərlə çıxış etdiyini, hər vəcdlə Azərbaycanın ABŞ-la münasibətlərinə kölgə salmağa çalışdığını, özünü Koqresdə seçildiyi Nyu-Cersinin deyil, sanki Ermənistanın Abovyan vilayətinin təmsilçisi kimi apardığını çox yaxşı bilirik. Kris Smit ABŞ-ın qondarma “erməni soyqırımı”nı tanıması üçün canfəşanlıq edən çoxsaylı ermənipərəst konqresmenlərdən biridir. Elə bu il ərzində o bir neçə dəfə “soyqırım”ın tanınması zərurəti ilə bağlı bəyanat verib, hətta ABŞ prezidentinə müvafiq yalvarış-müraciət də imzalayıb. Bir sözlə, bu adamın reputasiyasına münasibətim necədirsə, onun hazırladığı layihəyə də eynilə o cürdür. Əsas odur ki, indiyədək rəsmi Vaşinqton K.Smitin nə “erməni soyqırımı”, nə də Azərbaycana qarşı hər hansı təşəbbüslərinə əhəmiyyət verməyib. Odur ki, bu məsələni ciddiyə almaq lazım deyil. Ümid edirik ki, Smitin budəfəki hərəkəti də ABŞ rəsmiləri tərəfindən rədd ediləcək və bu layihə ermənipərəst qüvvələrin həyata keçməyən növbəti arzularından biri olaraq tarixə düşəcək. Əslində, Smit xarakterli siyasətçilər hər bir ölkədə var. Azərbaycanda da ABŞ-ın Dağlıq Qarabağ münaqişəsinə ermənipərəst mövqedən yanaşdığını, ölkəmizə qarşı bəzən qərəzli mövqedən çıxış etdiyini, erməni diasporu və lobbisinin təsiri altına düşdüyünü düşünən insanlar var. Onlar da Azərbaycan haklmiyyətindən ABŞ-la strateji tərəfdaşlığa son qoyulmasını, ölkəmizə qarşı qərəzli yanaşmalara adekvat cavab verilməsini tələb edirlər. Lakin qeyd etdiyim kimi, biz bütün digər ölkələrlə əlaqələrlə olduğu kimi, ABŞ-la da münasibətlərin inkişafında maraqlıyıq, ayrı-ayrı çağırışların ikitərəfli münasibətlərə xələl gətirməsinə imkan vermirik.

Amma təbii ki, ABŞ rəsmi şəkildə bu qərəzli layihəyə dəstək verərsə, ermənipərəst qüvvələrin “oyunu”na gedərsə, o zaman Azərbaycan hakimiyyəti buna lazımi reaksiya verəcək – buna heç kəsin şübhəsi olmasın.

Manatı gözləyən risklər – Hökumət bu ili yola verməyə çalışsa da..

manat
Azadlıq.az musavat.com-a istinadən xəbər verir ki, ekspertlər bildirirlər ki, son bir ayda olan vəziyyət manatın əleyhinə işləyir, milli valyuta üçün ciddi təhlükə var…

Manatın ucuzlaşacağı barədə ehtimallar yenidən güclənməkdədir. Ekspertlər bildirirlər ki, tezliklə növbəti devalvasiyanı gözləmək daha məntiqlidir. Ekspert Vüqar Bayramovun sözlərinə görə, bu həftənin ilk üç günündə manatın dollara nisbətən məzənnəsi müqayisəli şəkildə aşağı düşüb: “Belə ki, əgər Mərkəz Bank dolların manata kursunu avqustun 3-də 1,0493 müəyyənləşdirmişdirsə növbəti günlərdə rəsmi məzənnə 1,0495 və 1,0499 oldu.

Amma manatın dollara nisbətən zəifləməsi heç də son günlər neftin qiymətinin aşağı düşməsi deyil, avronun dünya bazarında mövqelərinin sarsılması ilə bağlıdır.

Belə ki, valyuta səbətində avronun payının artması köhnə qitə pulunun kursunun manata təsir etməsinə səbəb olur. Dollara nisbətən zəifləyən avro manatla müqayisədə də dəyər itirib. Son üç gündə dollara nisbətən dəyər itirən manat avroya münasibətdə güclənib. Belə ki, avqustun 3-də 1 avro almaq üçün 1,1524 manat ödəmək lazım idisə, növbəti günlərdə uyğun olaraq rəsmi məzənnə 1,1482 və 1,405 oldu.

Buna görə də manatın məzənnəsinin son günlərdəki azalmasını neftin dünya bazar qiymətinin dəyişməsi ilə əlaqələndirməməlidir. Təbii ki, neftin dünya bazar qiyməti ölkəmiz üçün vacibdir. Ancaq onun monetar təsirləri çox qısa deyil, orta müddətli dövrdə özünü göstərir. O baxımdan da əgər yaxın günlərdə avronun məzənnəsi dollara nisbətən möhkəmlənərsə, o zaman milli valyutamız da ABŞ pulu qarşısında dəyər qazanacaq. Avronun zəifləməsi davam etdiyi halda isə dollar yenidən Azərbaycan bazarında nisbi möhkəmlənəcək. Avrozonadakı mövcud durum isə heç də Avropa pulu üçün nikbinlik vəd etmir”.

Ekspert Samir Əliyev qeyd edib ki, Azərbaycanda yenidən devalvasiya ola bilər: “Ümumiyyətlə, devalvasiya məsələsi gündəmdən çıxmayıb, bu gün də real olaraq qalır”.
Onun sözlərinə görə, devalvasiyanın nə zaman olacağını dəqiq demək bir qədər çətindir: “Azərbaycan manatı iki amildən asılıdır. Bunlardan biri neftdir. Ötən gün neftin qiyməti kəskin şəkildə aşağı düşdü. Halbuki bir ay öncə neftin qiyməti 60 dollardan yuxarı idi. Neft ucuzlaşdıqca, manata təzyiq artır.

Son bir ayda olan vəziyyət manatın əleyhinə işləyir. Mart ayından başlayaraq iyula kimi neftin qiyməti 60-70 dollar arasında dəyişirdi. Bu, manat üçün haradasa sabitlik təmin edirdi. Manat üçün narahatlıq doğuran ikinci amil kapital axınıdır. Rusiya, Türkiyə, Yunanıstan kimi ölkələrdə daşınmaz əmlakın ucuzlaşması səbəbindən insanlar pullarını bu ölkələrə yönəldirlər və orada daşınmaz əmlak alırlar. Bu vasitə ilə kapital ölkədən çıxır, bir də biznesmenlər yoxlamaların fonunda öz kapitalını ölkədən çıxarırlar. Odur ki, ölkənin valyuta ehtiyatında azalma hiss olunur. Bu baxımdan neftin qiymətinin ucuzlaşması və kapital axını milli valyuta üçün əsas təhlükədir”.

S.Əliyev aznew.az-a açıqlamasında qeyd edib ki, dövlət ilin sonuna kimi ikinci devalvasiyanın olmaması üçün çalışır: “Kapital axını və neftin qiyməti ucuzlaşmaqda davam edərsə, devalvasiyaya gedilə bilər. Vəziyyət çətinləşərsə, yumşaq devalvasiya baş tutacaq. Vəziyyət lap pisləşərsə, kəskin devalvasiya gedə bilər. Hansı ki, biz fevral ayında bunun şahidi olduq.

Əgər kəskin devalvasiya olarsa, bu, 15-20 faiz gözlənilir. Kapital axını və neftin qiyməti manatın əleyhinə işləməzsə, manat ilin sonuna kimi indiki səviyyədə qalacaq. Əgər sadalanan amillərdən biri güclənərsə, bu halda hökumət devalvasiyaya getmək məcburiyyətində qalacaq”. Qeyd edək ki, əksər ekspertlər ilin sonuna 15 faizədək devalvasiya proqnozlaşdırırlar.

“Manat ucuzlaşacaq”

manat_dollar_00

İqtisadçı ekspert Natiq Cəfərli : “Ölkədə istehlak olunan ərzağın 55-60%-i xaricdən gətirilir. Manatın ucuzlaşması təbii ki, gətirilən məhsulun qiymətinə də təsir göstərəcək.”

Natiq Cəfərli, Azadlıq Radiosuna bildirib ki, manat ilin sonuna qədər 10-15 % ucuzlaşacaq: “Hökumət, Mərkəzi Bank manatın kəskin ucuzlaşmasına imkan verməyəcək. Görünür, addım-addım, yumşaq şəkildə məzənnənin dəyişilməsinə gedəcəklər və ilin sonuna qədər manat 10-15% civarında ucuzlaşacaq”.

Onun fikrincə, inflyasiyanın, qiymət artımının qarşısını inzibati yolla almaq mümkün olmayacaq. Ölkədə qeyri-neft sektorunun ixracatda payı 2%-dən çox deyil, ona görə də, ucuz manatın bu sahədə ixracatın artmasına kömək edəcəyi fikri mübahisəlidir.

Ümumiyyətlə, 2015-ci ilin “ulduzu” dollar olacaq. Çünki ABŞ iqtisadiyyatı daha tez dirçəlir və inkişaf edir, avro zonada problemlər qalır. Hətta bu il kredit, daşınmaz əmlak, avtomobil bazarında da “dollarlaşma” olacaq, yəni bu proseslər dollar üzərindən aparılacaq.

Xatırladaq ki, Mərkəzi Bankın sədri Elman Rüstəmov fevralın 17-də Dövlət Televiziyasındakı çıxışında ölkədə manatın kəskin ucuzlaşacağı ilə bağlı narahatçılığa bir əsas görmədiyini bildirib: “İnflyasiya birrəqəmli qalacaq, ərzaq məhsullarında bahalaşmaya iqtisadi əsası yoxdur.”